Sacado do libro : Os rios Galegos

de    Ramón  Otero Pedrayo.

(Foto do Río Miño-Os Peares. Fonte o libro citado)

        " O miño ourensán siñifica unha estaxe de val carregado de historia. Decorre o río en fermosos relanzos polo val quente e afonda antre terrazas edificadas por il. As Comarcas obedentes ó chamamento do Miño ourensán son moitas, mestas de historia, de soaves matizaciós. Son as do Ribeiro ourensán, os penichaos da Peroxa, as bocarribeiras cinguidas por degráus sinxelos de caraiteres paisaxísticos...Os fartos meandros folgados, entre as terrazas de barro e pelouros, pé das costas graníticas das bocarribeiras, fan a beleza do Miño ourensán. Folgadas voltas de Ourense a Reza, de Barbantes, veigas mestas onde as formas vellas combínanse cas novas e os coiñales brancos anovan a estroitura das terrazas envolveitas na escura vexetación, valencia das crebadas afluentes, únhas estreitas, case leitos de torrentes e cachóns, outras orgaizadas. Eles madurecen na veiga e meandros de Ventosela...".

Hai unha foto extraordinaria desta zona do Miño sacada polo fotográfo Pacheco. Eran outros tempos.

Fonte o libro citado. Ourense ano 1925.

   Salir cast.                                           Saír gal.